रवीन्द्र जन्मदिने

पुस्तकाचे नांव :  रवीन्द्र जन्मदिने Ravindra Janmdine    लेखकाचे नांव : डॉ. राम म्हैसाळकर Dr.Ram Mhaisalkar 

प्रकार : कवितासंग्रह
पृष्ठसंख्या : 159
किंमत :  350 रु
पहिली आवृत्ती : 20 डिसेंबर  2009

पुनर्मुद्रण : 25 जून 2023

प्रकाशक : विजय प्रकाशन

डॉ. राम म्हैसाळकर रवीन्द्रनाथांच्या अखेरच्या पर्वातल्या कवितांचा अनुवाद घेऊन सानाइ, जन्मदिनेमधून रसिकांसमोर येत आहेत.

अनुवाद हा शब्द अतिशय लवचिक आहे. अनुवाद म्हणजे लेखकाच्या मूळ अनुभवाच्या वळणावर थोडे त्याच्या बरोबरीने आणि थोडे मागून चालत जाणे, पण इथे पावलं मात्र अनुवादकाची स्वतःची असावी लागतात. मूळ कलाकृतीच्या विस्तार संकोचाची, आणि कलाकृतीच्या थेट मूलकंदालाच जाऊन भिडण्याची शैली ही अनुवादकाची स्वतःची असते. भाषांतर ही एक भाषिक कृती असते तर अनुवाद हा भावार्थ सांगतो. ती एक सांस्कृतिक मिसळण असते